Í meira en heila öld hefur vöxtur Mladá Boleslav og Skoda haldist í hendur. Skoda Auto hefur lagt undir sig nærri þriðjung af landrými borgarinnar og er órjúfanlegur hluti hennar í meira en 100 ár. Stærsti hluti framleiðslunnar hefur smám saman verið fluttur í nýrri  hluta verksmiðjunnar. Upprunaleg bygging gömlu verksmiðjunnar hefur að mestu haldið sínu upphaflega útliti, er nú á jaðri verksmiðjusvæðisins og myndar samskiptahlið milli bílaframleiðandans og borgina allt í kring.

Eitt stærsta skipulags- og byggingarfræðilega verkefni fyrirtækisins á verksmiðjusvæðinu í Mladá Boleslav allt frá 1999 hefur verið Miðstöð viðskiptavina. Miðstöðin var reist í niðurníddum verksmiðjusal nálægt Skoda Auto safninu. Arkitektinn Michal Hlaváček teiknaði Miðstöðina (eins og Skoda Auto safnið).

Skoda Auto tæknisetrið er sjálfstæður húsaklasi við bakka Jizera árinnar, sem rennur í gegnum Mladá Boleslav. Árið 2009 er fyrirhugað að reisa í grenndinni byggingar undir tækniþróunardeild á gömlu iðnaðar- og geymslusvæði. Vegna hættu á flóðum verður byggingin látin hvíla á burðarstólpum.

Skoda Auto íhlutamiðstöðin er aðal dreifingarmiðstöðin fyrir upprunalega Skoda varahluti og fylgihluti á alþjóðavísu. Í dag, eftir stækkun miðstöðvarinnar árið 2005) er hún stærsta og nútímavæddasta dreifingarmiðstöð fyrir bílavarahluti í Mið- og Austur-Evrópu.